2024 yil 19 dekabr kuni Xorazm viloyati IIB va viloyat prokuraturasi tomonidan Yangiariq tumanining "Angiariq" mahallasida keng qamrovli ijtimoiy-profilaktik tadbirlar amalga oshirilishi munosabati bilan o‘zaro hamkor tashkilotlar vakillari ishtirokida kengaytirilgan yo‘riqnoma o‘tkazildi. "Angiariq" mahallasi aholisi uchun qulaylik yaratish maqsadida ijtimoiy-profilaktik loyiha doirasida arzonlashtirilgan oziq-ovqat mahsulotlari savdo yarmarkasi va energiya tejamkor hamda texnik qo‘riqlash jihozlar ko‘rgazmasi tashkil etildi.
Shuningdek, tadbirlar doirasida "Angiariq" mahallasi yoshlarining bo‘sh vaqtini mazmunli o‘tkazish va mahallada sport turlarini ommalashtirish maqsadida tashkil etilgan musobaqalar ishtirokchilarda unutilmas taassurot qoldirdi.Musobaqa g‘oliblari tashkilotchilarning faxriy yorliq va esdalik sovg‘alari bilan taqdirlandilar.
