Янгиариқ тумани марказий ўйингоҳида "Ватанпарвар" ташкилоти томонидан, туман Мудофаа бўлими, туман Мактабгача ва мактаб таълими бўлими ва бир қатор ташкилотлар ҳамкорлигида ёшларни она Ватанга муҳаббат, ватанпарварлик руҳида тарбиялаш мақсадида “Шунқорлар” ҳарбий –спорт мусобақаси ўтказилди.
Мусобақа иштирокчилари турникда тортилиш, пресс машқлари, ўқув гранатасини узоқликка улоқтириш, қисқа ва узоқ масофага югуриш, АК-74 калашников автоматини тўлиқ ва нотўлиқ қисмларга ажратиш ва йиғиш, мерганлар беллашуви шартларини бажардилар.
Мусобақа шартларига кўра 37-сон мактаб жамоаси 1-ўринни эгаллади ва вилоят босқичига йўлланмани қўлга киритди. Ғолибларга ташкилотчиларнинг диплом ва совғалари топширилди.
