Joriy yilning 13-fevral kuni O‘zbekiston Respublikasi Prezidenti Shavkat Mirziyoyev raisligida olimpiya va paralimpiya harakatini yanada rivojlantirish, ommaviy sportni yangi bosqichga olib chiqish hamda aholi jismoniy faolligini oshirishga qaratilgan videoselektor yig‘ilishi boʻlib oʻtgan edi.

Ushbu yig‘ilishda ilgari surilgan tashabbuslarni joylarda samarali amalga oshirish maqsadida Yangiariq tumani hokimi Z.Matnazarov sport maktabi murabbiylari hamda sportchilar bilan uchrashdi.

Suhbat chog‘ida sportni yanada rivojlantirish, yosh avlodni sog‘lom hayot tarziga yo‘naltirish, murabbiy va sportchilarga yaratilayotgan sharoitlar, imtiyozlar va imkoniyatlar xususida fikr almashildi. 

Bu kabi uchrashuvlar  sportni yanada rivojlantirishga xizmat qilib, yangi chempionlar yetishib chiqishiga zamin yaratadi!

Tuman hokimi bu borada bor imkoniyatlarni ishga solishga, koʻmak berishga tayyorligini bildirdi.